Sivjet kurora për vajzën më të bukur në botë shkoi në Puerto Rico. Ditën e djeshme u mbajt edicioni i 66-të i konkursit më të rëndësishëm të bukurisë në rruzull që këtë vit u bë në Shtetet e Bashkuara. Më e bukura u shpall Stephanie Del Valle, 19 vjeçe, portorikane. “Është një nder dhe një përgjegjësi e madhe të përfaqësoj Karaibet”, dekaroi Miss-i. Zeshkane, më sy të errët dhe me një sharm të parezistueshëm latin, Stephanie është zyrtarisht pasardhësja e spanjolles Mireia Lalaguna që mbajti kurorën në vitin 2015-të. Në mesin e 100 konkurrenteve nga e gjithë bota, Shqipëria u përfaqëua nga Ëndrra Kovaçi. Shqiptarja nuk arriti të kualifikohej në 20-shen më të mirë. Në vendin e dytë si më e bukura e planetit u rendit Yaritza Miguelina Reyes Ramirez nga Republika Domenikane. Ndërsa indoneziania Natasha Mannuela mori vendin e tretë.
Përshtatur pjesërisht nga TGCOM
shqiptarja Endrra Kovaci, “Miss World Albania”
