Afërdita Dreshaj dhe partneri i saj Jakub Kindl po kalojnë sëbashku ditë të bukura në një prej ishujve më të preferuar në veri të Amerikës, që janë ende koloni britanike. Turks & Caicos është emri i ishullit të zgjedhur nga çifti, i cili ndodhet fare pranë Bahamas dhe është një nga destinacionet e preferuara të yjeve botërore si Ben Affleck, Jennifer Garner, Brad Pitt, Angelina Jolie, Sofia Vergara, etj.
Dhe në fakt e meriton të jetë i tillë, sepse panorama që na është ofruar përmes insta story-t të Afërditës dhe Jakub ka qenë vërtet mbresëlënëse. Kjo kuptohet edhe në këto foto të publikuara për herë të parë në “revistawho.com“, ku çifti duken shumë të dashuruar dhe të relaksuar në krah të njëri-tjetrit. Turks & Caicos konsiderohet si një ishull luksi, ama të gjithë ata që kanë qenë atje një herë janë kthyer përsëri.
Afërdita dhe Jakub e kanë zhvendosur jetën e tyre në Florida, për shkak të angazhimeve të Kindl me sportin e hokeit. Ata bashkëjetojnë prej më shumë se dy vitesh dhe megjithë thashethemet për ndarje e ribashkime, marrëdhënia e tyre sa vjen e bëhet më e fortë. / revistawho.com
