Për shumë njerëz mund të duket e çuditeshme që nënat të ushqejnë foshnjet e tyre me gji në ambiente publike. Por kjo bëhet akoma më e çuditshme kur një senatore australiane ushqen foshnjën e saj në Parlament.
Po, po ka ndodhur vërtet. Larissa Waters ka ushqyer vajzën e saj 2 muajshe në Parlament, dhe fotot e saj po bëjnë xhiron në rrjetet sociale.
Senatorja Waters njëkohësisht nënkryetare e Partisë së të Gjelbërve Australiane, sipas “The Independent” është ushqyer me gji nga nëna e saj në Dhomën e Senatit, shkruan sot “Class”.
“Jam shumë krenare që vajza ime Alia është fëmija i parë që ushqehet me gji në parlamentin federal. Ne kemi nevojë për më shumë fëmijë dhe prindër në Parlament”,-shkroi Waters në Twitter.
Parlamenti Australian ndryshoi rregullat vitin e kaluar për të lejuar ligjvënëset femra të merrnin foshnjat e tyre në sallë. Para kësaj, fëmijët ndaloheshin nga dhoma dhe nënave që ushqenin me gji fëmijët iu jepej një vend votimi i posaçëm.
