Rreth 500 milionë njerëz në botë përdorin ‘Instagram’ çdo ditë. Ai tani përdoret për shitje, promovimin e të mirave në internet, dhe madje si material për hulumtime. Mesa duket, fotot dhe filtrat në postimet tuaja mund të thonë shumë për personalitetin tuaj dhe madje edhe për shëndetin tuaj.
-Çfarë tregon ngjyra dhe filtri i një fotoje?
Shkencëtarët nga universiteti ‘Sungkyunkwan’ analizuan profilet e 179 personave (25,394 foto gjithsej). Studimi përqendrohej në ngjyrë, si një nga elementët kryesorë. Ata vunë re se njerëzit në marrëdhënie postuan fotografi me ngjyra të ndezura më shpesh, sesa përdoruesit të cilët nuk kishin partner. Gjithashtu, filtrat e ndritshëm në foto përdoren më shumë nga ekstrovertët dhe njerëzit e prirur ndaj narcisizmit.
Hulumtuesit nga universiteti i ‘Harvardit’ dhe universiteti i ‘Vermontit’ analizuan 43,950 fotografi të përdoruesve të ‘Instagram’ dhe zbuluan se njerëzit në depresion tentojnë të postojnë fotografi më shpesh. Për më tepër, është fytyra e tyre që është fokusi kryesor në fotot e tyre. Përveç kësaj, ata nuk përdorin filtra shpesh. Fotot e njerëzve të depresionuar kanë më shumë nuanca të errëta, blu dhe gri. Ata gjithashtu preferojnë fotot bardh e zi.
– Çfarë tregon tema e një fotoje?
A jeni dikush që nuk i pëlqen fotot e pafundme të ushqimit në ‘Instagram’? Rezulton se ato mund të jenë të dobishme. Studiuesit erdhën në përfundimin se kur njerëzit ndajnë fotot e ushqimit të tyre dhe recetave të enëve që gatuajnë, është më e lehtë për ta që të rrinë në dietë të duhur dhe madje të humbasin peshë. Komentet nga miqtë i motivojnë përdoruesit të vazhdojnë të zgjedhin ushqim të shëndetshëm.
Disa ekspertë mendojnë se njerëzit që vendosin shumë fotografi me partnerin e tyre po përpiqen të fshehin problemet me të cilat ballafaqohen në marrëdhënie. Komente si “vajza ime” ose “njeriu im” mund të tregojnë ndjenjat e zotërimit.
– Çfarë tjetër mund të zbulohet nga profili juaj?
Njerëzit më të vegjël se 25 vjeç janë më pak të prirur për të qeshur në fotot e profilit. Ky tipar u gjet nga studiuesit e kolegjit shtetëror të shkencave të informacionit dhe teknologjisë të shtetit të Pensilvanisë dhe ‘King’s College’ në Londër, Angli.
Përdoruesit e ‘Instagram-it’ që tentojnë të shënojnë shokun e tyre në foto janë më pak të prirur për vetminë. Anasjelltas, njerëzit që postojnë fotografi që nuk i drejtohen askujt dhe që nuk i motivojnë të tjerët për diskutim, mund të ndihen më të vetmuar.
Për sa i përket ‘Selfies’, ekzistojnë 3 grupe të dashuruar nga vetvetja: “komunikues”, “autobiografë” dhe “vetë-publicistë”. Të parët ndajnë fotot e tyre me qëllim që miqtë dhe abonentët e tyre të përfshihen në një diskutim.
“Autobiografët” bëjnë ‘selfie’ për të kapur momente të paharrueshme të jetës së tyre. Ata nuk shqetësohen që njerëzit e tjerë shohin fotot e tyre, por ata vetë e bëjnë vetëm për të mbajtur kujtimet e tyre dhe jo për të marrë “pëlqime”.
