“RevistaWho.Com” sjell sot fotot ekskluzive nga festa e babyshower-it të Katherine, partneres së Alessio Aliajt, të cilët priten të bëhen prindër pas disa javësh. Në to Alessio dhe Kat duken shumë të lumtur dhe e shfaqin padurimin për ta mbajtur në duar foshnjen e tyre, që do të vijë në jetë në javën e parë të muajit mars… Por veç fotove të organizimit me 50 të ftuara, dhuratave dhe dekorit të festës, ku i vetmi mashkull i lejuar në të është babai, kemi zbuluar gjithashtu edhe gjininë e bebes… Vajzë do të jetë fëmija i parë i supermodelit shqiptar, që aktualisht po bën karrierë si menaxher artistësh në Australi. Në një intervistë ekskluzive për “RevistaWho.Com” në muajin dhjetor, ku dha dhe lajmin se do të bëhej baba, Alessio u shpreh se “nëse do të jetë vajzë, do e pres si një princeshë në jetën time”. / revistawho.com
