Eldora Koçi dikur konkurrente në “Big Brother 6”, u vlerësua publikisht për qetësinë e maturinë e saj. Me pjesëmarrjen në spektaklin e “Top Channel” ajo përcolli një mesazh për njerëzit që vuajnë nga talasemia, si bartëse e kësaj sëmundjeje. Sot Eldora është një nënë dhe bashkëshorte e lumtur. Në një rrëfim për revistën “Story” ajo ka ndarë detaje nga jeta e saj e re, duke treguar për të shoqin dhe djalin, e gjithashtu edhe për dasmën që do të vijë. “ Është një ndjesi e mrekullueshme. Nuk gjej fjalë për ta përshkruar. Për mua ardhja e një fëmije në jetë është bekim. Kam në krah një person që më vlerëson, më respekton e më mbush me dashuri. Lidhja jonë filloi me ato momente të bukura që të krijojnë përshtypjen se do të zgjasin deri në pafundësi, dhe kështu po vazhdojmë duke e ndërtuar hap pas hapi marrëdhënien tonë. Për bashkëshortin nuk mund të flas e të jap detaje, por jemi njohur në rreth shoqëror. Dasmën e kemi në plan të afërt. Datën nuk e kemi vendosur ende, por do e bëjmë për kënaqësinë tonë në shoqërinë e djalit”, ka thënë Eldora.
