Një sërë personazhesh të njohur të skenës e televizionit, kanë qenë të pranishëm sot në varrimin e këngëtarit Ergi Dini në Shkodër. Artisti 22-vjeçar u nda nga jeta mbrëmë pas një aksidenti me motor, ku vdiq edhe shoku i tij i ngushtë Kejd Halili. Sipas raportimeve të mediave mbi 200 njerëz u mblodhën në apartamentin e familjes Dini në Shkodër, për të përcjellë Ergin për në banesën e fundit. Fotot tregojnë pikëllimi e madhe të familjarëve dhe miqve, ndër të cilët emra të njohur. Vera Grabocka, Alketa Vejsiu, Rozana radi, Juliana Pasha, Kejsi Tola, Samanta Karavella, Beatrix Ramosaj, Alban Ramosaj, Arnita Beqiraj, Olta Boka, Erik Lloshi etj, u panë t’i qëndrojnë pranë motrës së tij Barbana dhe pjesës tjetër të familjes.
