“Sot në ditën e Krishtlindjes i dhurova Lorit unazën dhe fjalën për një dashuri të madhe (Zoti më ndihmoftë). I lumtur për të gjitha këto vite që kaluam bashkë… Akoma dhe më i lumtur për këtë hap të ri në jetën tonë. Uroj dhe për ju gjithashtu gëzime në familjet tuaja. GEZUAR!”. Me këto fjalë këngëtari Mateus Frroku ka njoftuar lajmin e bukur për fejesën e tij. Në një ceremoni të thjeshtë dhe familjare artisti dhe e fejuara bionde kanë shkëmbyer unazat. Mateus është një nga meshkujt më të “rregullt” të showbiz-it shqiptar. Ai kurrë nuk ka rënë pre e thashethemeve për lidhje apo flirte, duke i qëndruar besnik partneres së tij prej disa vitesh. Urime!
