Ditëlindja e parë e një vogëlusheje nga Tirana është pritur me gëzim të madh. Ajo quhet Viviene dhe është mbesa e parë e biznesmenes së famshme të kryeqytetit, Shefikat Ngjela. Një vit më herët djali i saj Tedi dhe e dashura e tij e zemrës Era Xhabafti, u bënë prindër. Një festë luksoze dhe e arreduar shumë bukur u bë me këtë rast. Ndonëse Viviene është një “zonjushë”, ngjyrat e ditës së saj nuk ishin si zakonisht për vajzat, nuancat e rozës. E kaltra mbizotëronte dhe besojmë se kjo duhet të ketë qenë idea e hallës së saj me shije, Ersi Ngjelës. Siç shihet në postimet e kësaj të fundit, ajo ka një lidhje të jashtëzakonshme me bebushen e shtëpisë, ndërsa edhe fustanin e kishte zgjedhur me ngjyrat e festës. Foto nga kjo ditë e shënuar për familjen Ngjela, ka ndarë edhe mikesha e çiftit të ri Armina Mevlani, e cila edhe në këtë rast dukej si gjithnjë shumë e bukur. Ju kemi sjellë gjithçka më poshtë. Edhe 100 Viviene!/ revistawho.com
