Një dasmë madhështore po mbahet këto ditë në Tiranë. Ndoshta nga më madhështoret që janë organizuar ndonjëherë në kryeqytetin tonë. Ylli Ndroqi, pronari i Ora News dhe Channel One, si dhe drejtues i disa bizneseve marton djalin. Ai ka dashur ta bëjë dasmën e djalit të tij të madh në sallën e Pallatit të Kongreseve. Siç e shihni edhe nga fotot e “revistawho.com” gjithçka është gati. Arredimi është realizuar mjeshtërisht nga “Geraldina Sposa” teksa flitet që do të ketë mbi 500 të ftuar. Ceremonia e Redonit dhe nuses së tij armene do të bëhet sot, ndërsa festimet kanë nisur që të enjten në Hotel Tirana. Pas celebrimit edhe darka do të hahet në hollin e Pallatit të Kongreseve.
