Në New York mbahet këto ditë “Java e Modës” e nuk është çudi që teksa kalon nga një trotuar në tjetrin, të ndeshesh thjesht me modelen më të kërkuar në botë, Gigi Hadid. Ka mjaftuar një xhiro e shkurtër e saj, që fotografë e paparacë të bënin mijëra shkrepje të cilat po bëjnë xhiron e internetit, dhe ne këtu në Shqipëri po bëjmë këtë artikull. Ato që tërhoqen më së shumti vëmendjen e po komentohen gjatë në mediat e huaja, në fakt janë pandoflat e Gigit. Lëkurë rozë, kombinuar me një pulovër të leshtë në të njëjtën ngjyrë. Për ta kompletuar “look”-un, ylli i pasarelave ka zgjedhur xhinse “boyfriend” deri tek kyçi dhe syze me lente me ngjyrë. Po fundja në “Javën e Modës”, të gjitha lejohen. E duke parë trikon, duhet të jetë ftohtë andej…/ revistawho.com
