Larg takave të larta, krehjeve të “ngrira” e fustaneve klasikë! Vitet e fundit në ekranet shqiptare po shohim disa vajza që me pamjen e tyre por edhe me lirshmërinë apo daljen jashtë kornizës së dikurshme të prezantimit, kanë ndryshuar përgjithmonë imazhin e televizionit shqiptar. Ato janë të gjitha në të 20-at, vishen me atlete, ulen ose shtrihen në divan apo dysheme gjatë transmetimit dhe bëjnë krehje të çmendura. Kanë zënë hapësira të rëndësishme në kanalet kryesore e duket se e ardhmja është premtuese për secilën. Në listën e mëposhtme do të shikoni prezantueset e gjeneratës së re dhe nga një përshkrim, ndonëse për këtë të fundit nuk keni nevojë pasi me siguri të gjitha i njihni. Suksese vajza! Televizionet tona kishin nevojë për ju!
Fatma Methasani
Për herë të parë në një ekran shqiptar pamë se prezantuesja mund ta bënte emisionin edhe e shtrirë mbi një divan, madje me gjithë këpucë mbi të. Ajo është Fatma Methasani, një personazh tashmë shumë i dashur që i bëri për vete të gjithë pikërisht me lirshmërinë e saj.
Dojna Mema
Edhe ata që ndoshta për shkak të moshës nuk janë ndjekës të rregull të “My Music”, u mahnitën nga sytë e bukur blu të Dojnës kur e panë teksa prezantonte “Top Fest”-in e fundit. Me kapele apo gërsheta, bukuroshja Mema bëri menjëherë tendencë!
Jona Spahiu
Ish-prezantuesja e “Top Select”, aktualisht drejtuese e një programi në “Digitalb”, Jona Spahiu është një bukuri ndryshe e ekranit. Përtej fytyrës së buzëqeshur, edhe komunikimi i moderatores nuk tingëllon klishe, por shumë ‘trendy’. Besojmë se nuk do të jetë e largët dita kur Jonën ta shohim në spektaklet e mëdha.
Roza Lati
Nëse kolegia e saj Fatma Methasani shtrihet mbi divan, Roza është aq “crazy” sa shtrihet mbi dysheme gjatë transmetimit. Ndër të parat që solli një formë ndryshe në moderimin e programeve, është pikërisht natyra e saj moskokëçarëse që bëri që Rozën ta pëlqenin shpejt të gjithë. Aktualisht ajo prezanton programin “Hangover” në “Tema Tv” dhe “MCN Radio”.
Eva Murati
E bukur, me të folurën e saktë, Evën e pamë në fillimet e saj në Agon Channel. Sot ajo është moderatore e programit “VIP Zone” në Vizion Plus e jo pak herë i është besuar edhe drejtimi i spektakleve të mëdha. Siç e ka thënë edhe vetë në intervista, Eva e do shumë prezantimin dhe mirë bën sepse teleshikuesve i pëlqen.
Nevina Shtylla
Për herë të parë ajo u shfaq në skenë e në ekran me kurorën e bukurisë mbi kokë. Por që atëherë nuk u largua më prej tij. Bukuroshja natyrale Nevina Shtylla është vajza e re që prezanton programin “Next” në Vizion Plus dhe e bën mjaft mirë.
Klea Huta
Është padyshim prezantuesja më e suksesshme e gjeneratës së re. Vajza me shumë talente Klea Huta ka tanimë vendin e saj në ekran e mund të themi se është gati në të njëjtën linjë me emrat ikonë të moderimit. Kleas i janë besuar spektakle të rëndësishme në televizonin Klan e ajo është tashmë imazh i konsoliduar i këtij ekrani.
