Darkat e shtetit në Shtëpinë e Bardhë i bënte edhe Ronald Reagan, por për të kërcyer me princeshën Diana ftonte John Travolta-n. Barack Obama bën gjithçka në “vetën e parë”, e ka bërë gjithnjë edhe me kalimin e viteve gjatë dy mandateve të tij. Është informal ndaj ekzistojnë faqe e foto që dokumentojnë pasionin e tij për një palë xhinse të stilit të viteve ’90. Por vitin e fundit, Presidenti i Shteteve të Bashkuara nuk ka lënë rast t’i shpëtojë dalja pa kravatë, bërja e komenteve personale (“Më në fund ia dhanë Nobelin poetit tim të preferuar”), apo situatat jashtë normave. Si ai rasti kur në dhomën ovale një fëmijë i kërkoi nëse flokët e tyre ishin njësoj e ai iu përgjigj: “Mund t’i prekësh mik!”. Dhjetëra kamionë po largojnë dokumente e sende personale të tijat dhe të familjes nga Shtëpia e Bardhë dhe në fund të vitit do largohet dhe ai vetë. E nuk mund të themi që nuk do të na mungojnë ironia dhe momentet jashtë protokollit të një presidenti unik, ai më “cool” në historinë amerikane, sidomos sipas atyre që i frikësohen “depresionit post Obama”.
BURIMI: Vanity Fair
