Hera e fundit që në qytetin e Durrësit u regjistruan reshje dëbore ishte në vitin 2010. Kjo u përsërit sërish dje, duke surprizuar qytetarët durrsakë por jo vetëm. Gruaja e kompozitorit Genti Lako është surprizuar nga dëbora më shumë se të tjerët. Migena Lako tregon në rrjetin social “Facebook” se ky qytet është veshur në të bardha pikërish në vitet kur erdhën në jetë dy vajzat e tyre. “Lindi Elektra në vitin 2010… RA DËBORË. Lindi Sasha në vitin 2016… RA DËBORË”, shkruan ajo duke publikuar edhe dy foto të qytetit bregdetar shkrepur në këto vite./ revistawho.com
