Balayage është metoda më specifike e fijeve, që realizohet me një teknikë të veçantë në sallonet e specializuara. Me këtë metodë, boja vendoset me gishta ose me krehër në tufën e flokëve që preferojmë dhe në vazhdim shpëlahet. Një lojë natyrale mes ngjyrave të ndryshme në flokë, shkruan “Class”. Balayage realizohet me krehër dhe jo me fletë alumini siç realizohen fijet, duke i bërë flokët të duken natyrale dhe të kenë shkëlqim, qofshin ato brune apo bionde. Teknika Balayage realizohet ose me pluhur që përhap ngjyrën e flokëve, ose me bojë. Para se ta aplikosh këtë metodë është mirë t’i kesh flokët të palara dhe të thata. Lyerjen mund ta përsërisësh një herë në dy ose tre muaj. Një metodë tepër ekonomike. Me teknikën Balayage ngjyra e flokëve duket natyrale dhe flokët nuk dëmtohen, pasi rrënja qëndron e paprekur.
