Është përcjellë për në banesën e fundit këngëtari 22-vjeçar nga Shkodra Ergi Dini. Ai humbi jetën mbrëmjen e së hënës në Tiranë, si pasojë e plagëve të marra pas një aksidenti me motor. Siç raporton agjencia e lajmeve “Prive” varrimi i Dinit është bërë në bazë të parimeve të fesë islame, në qytetin e Shkodrës. Arkivoli i 22-vjeçarit ka dalë nga apartamenti për t’u përcjellë në destinancionin final në prani të shumë familjarëve, miqve e kolegëve. Sipas “Prive”, mbi 200 persona kanë marrë pjesë në varrim përfshirë shumicën e konkurentëve dhe stafit të ‘X Factor’ ku para dy vitesh, këngëtari triumfoi duke u zgjedhur fitues në mesin e mijëra konkurrentëve.
