Një event elitar, mblodhi sot në orën 12.00 politikanë të larte, mjekë, njerëz biznesi dhe mediash në inagurimin e Spitalit Amerikan 3. Gjithçka në një ceremoni të organizuar me klas dhe përkushtim. Ashtu si e meriton një investim kaq i madh në mjekësi që Shqipërinë e rendit në vendin e parë në Ballkan.
Tani në Tiranë kemi edhe Spitalin Amerikan 3, investimin më të madh në sistemin shëndetësor në vend dhe me infrastrukturën spitalore më moderne në Ballkan. I gjithi i përshtatur për t’i shërbyer një numri të madh pacientësh, shkruan Olti Curri.
Godina më e re, me një sipërfaqe prej 25.000 m2 ofron për pacientët 200 shtretër pacientësh në total, 7 salla operatore dhe 2 koronarografi e që prej ditës së sotme do të jetë në shërbim të pacientëve që do të drejtohen për të marrë shërbime apo ekzaminime në Spitalin Amerikan 3, në Rr. Sabaudin Gabrani, pranë Fabrikës së Birrës./ revistawho.com
