Janë dy vajzat e adhuruara të showbiz-it, të cilat në ҫdo dalje tërheqin vëmendjen, bashkë me mamatë. Ju e patë Blu Ivy dhe Beyonce në VMA, por s’mund të lini pa parë edhe North West me Kim Kardashian mbrëmjen e 5 shtatorit në koncertin e Kanye West. Nuk është hera e parë që nënat e famshme shfaqen në publik të veshura njëlloj. Por nuk duket të jetë as rastësi që vetëm një javë pas mbrëmjes së madhe të ҫmimeve MTV Music Video Awards, kur Beyoncé dhe Blue Ivy ishin në qendër të vëmendjes me fustanet e tyre shampanjë, shfaqet Kim me të bijën, shkruan “Class”. 4-vjeҫarja Blue Ivy dukej si një princeshë e vërtetë me fustanin e zgjedhur duke u kombinuar në ҫdo detaj me të ëmën në VMA, por jo më pak edhe North mbrëmjen e djeshme. Por Kim ka guxuar edhe më shumë – dyfish: matching, por metalike. Ylli i “The Keeping Up With The Kardashians” ka tërhequr vëmendjen e të gjithëve me të voglën e saj North West, ndërsa ka shkuar në koncertin e Kanye në New York. Fustani argjend ishte dizenjuar identik edhe për të voglën, e cila, ashtu si e ëma, ka tërhequr pranë vetes të gjithë fotografët. North West është konsideruar gjithmonë si vajza e babit sa i përket stilit, por edhe karakterit. Megjithatë, në këto raste, e ëma nuk mund të rrijë pa ndërhyrë. Në fund të fundit, Kim për vëmendje jeton… dhe ia del gjithmonë.
