Që prej shkurtit të këtij viti, aktori turk me origjinë shqiptare Kivanc Tatlitug, është i martuar me stilisten Basak Dizer. Ceremonia martesore e dy personazheve të njohur në Turqi u zhvillua në ambasadën e Turqisë në Paris. Po përpara kësaj lidhjeje, Kivanc Tatlitug, aktori që ka bërë për vete edhe femrat shqiptare me rolet në disa telenovela turke, ka pasur disa histori dashurie që nuk kanë mbijetuar. I adhuruar për pamjen fizike por edhe për reputacionin si aktor, Tatlitug ka qenë gjithmonë i rrethuar nga vajza të bukura shkruan gazeta “Paloma”. Brad Pitt-i i Turqisë ka pasur disa lidhje me aktore e modele. Ja cilat janë femrat që kanë qenë pjesë e jetës së tij.
Azra Akin (2002- 2012)
Lidhja mes tyre ka zgjatur 10 vjet me ndërprerje. Azra Akin është një modele dhe aktore gjermano-turke, e cila është kurorëzuar edhe si “Miss Bota 2002”. Pikërisht atëherë kur u përfol se çifti po bënte plane për martesë, ata u ndanë.
Sedef Avci (2006-2008)
Sedef Avci është aktorja që luan rolin e Menekshesë në telenovelën me të njëjtin titull, ku Kivanc kishte rolin e Halilit. Ata u përfolën për një lidhje mes tyre.
Meltem Cumbul (2008)
Pas një prej ndarjeve me Azra Akin, mediat turke aluduan se Behlul ishte duke jetuar një lidhje me aktoren Songul Oden, me të cilën luajti serialin “Gumus” por në fund të vitit 2008 Kivanc nisi një lidhje gati 2-vjeçare me aktoren Meltem Cumbul, me të cilën u nda në vitin 2010.
Idil Firat (2010)
Kur Tatlitug u nda nga Cumbul, ai u lidh me një aktore mjaft të pëlqyer në Turqi, Idil Firat. Por kjo marrëdhënie nuk zgjati shumë. Pas disa muajsh ai do t’i jepte një shans të dytë dashurisë së tij disavjeçare me Azra Akin, me të cilën po ashtu e mbylli marrëdhënien shumë shpejt.
Florence Eugene (2013)
Në vitin 2013, Kivanc takoi modelen Florence Eugene por lidhja e tyre zgjati vetëm disa muaj.
