Dje, pa asnjë dyshim, e gjithë bota i kishte sytë nga diva e muzikës pop Beyonce, e cila me foton e publikuar qё konfirmonte shtatzëninё në Instagram theu rekordin si fotoja më e pëlqyer në këtë rrjet. Rekord qё deri tani mbahej nga Selena Gomez. Kёshtu ajo bëri të lumtur fansat dhe gjithë miqtë e dashamirësit që nuk ngurruan t’i shprehnin entuziazmin dhe urimet për këtë super lajm, shkruan sot “Class”. “Theu internetin” është pak të thuash e ndërsa lumi i urimeve vërshonte gjatë gjithë ditës, ajo çka emocionet nuk na lejuan të kuptonim ishte mesazhi i koduar që vet këngëtarja na dërgoi. Bëhet fjalë pikërisht për gjininë e fëmijëve, e cila kuptohet qartë nga veshja e vet këngëtares. Bojëqielli dhe vishnja ishin të brendshmet që ajo zgjodhi nё foto, duke simblizuar kështu ardhjen në jetë të një djali dhe vajze. Pёr njё foto të tillë as vetё ne nuk e zgjedhim veshjen rastësisht, jo më Beyonce ” The Queen” dora vetё.
