Mbrëmjen e djeshme Presidenti Barack Obama dhe bashkëshortja e tij Michelle, kanë organizuar darkën e fundit në Shtëpinë e Bardhë në Washington me një sërë personalitetesh të ftuar. Ndërmjet tyre ka qenë edhe kryeministri i Italisë Matteo Renzi së bashku me bashkëshorten e tij. Ajo që ra mjaft në sy dhe u komentua gjatë edhe në mediat e huaja, ishte veshja e Michelle e cila ishte e mahnitshme, shkruan “Panorama”. Ajo kishte zgjedhur një fustan ‘Versace’ ngjyrë ari e me prerje të gjatë. Në disa nga fotot e shkrepura është edhe një fragment ku kryeministri italian duket se po e sheh me kërshëri pamjen e zonjës Obama, por sigurisht pas nuk ka mbetur as paraqitja e zonjës së tij, Agnese Landini.
