Deputeti demokristian, Nard Ndoka, është nga Veriu, por mesa duket nuk preferon që fundjavave të shkojë në Velipojë, Shëngjin apo Patok, por në Dhërmi, aty ku shkojnë shumica e politikanëve dhe njerëzve të televizionit. Ndoka fotografohet nga paparaci i “Panorama” pothuajse çdo verë në Dhërmi. Së bashku me familjen dhe miqtë, Ndoka e shijon shumë bregdetin e Jugut. Nuk i pëlqen të dystohet në shezlong, por në përgjithësi lëviz, duke luajtur volejboll apo duke bërë ndonjë gjë tjetër, natyrisht përveç notit. Kësaj here, menjëherë pas notit, Ndoka ka dalë në breg dhe ka filluar të bëjë disa ushtrime, të cilat të çtensionojnë muskujt.
