Argjentina Ramosaj hyri në muzikë shumë natyrshëm dhe erdhi ndryshe. Kënga e parë e saj ishte ‘Shpirti i mbytur’ që u prit shumë mirë nga publiku. Viti 2010 ishte viti i saj që përveçse u shfaq për herë të parë, ajo për një kohë të shkurtër solli edhe disa këngë të tjera të cilat u dëgjuan nëpër të gjitha kanalet televizive shqiptare dhe hynë në top lista ku edhe kryesonin në vendin e parë.
Argjentina shquhet për një vokal shumë të fuqishëm kjo e ka bërë që ajo në çdo hap të arrijë sukses.
Por pavarësisht sukseseve ajo me diçka nuk ndihej mirë në pamjen e saj dhe vendosi të bëjë ndryshime me ndërhyrje estetike, transmeton Kosovarja. Të krahasosh Argjentinën e disa viteve më parë me tani ato nuk përputhen shumë. Ndryshimi në fytyrë është i dukshëm dhe i madh në mollëza, buzë, hundë dhe vetulla, pavarësisht se shumë nga këto personazhe sqarojnë se një pjesë e ndryshimeve vijnë edhe nga grimi.
