Ikonë e shumë adoleshenteve të viteve ’90 jo vetëm në Itali por edhe në vendin tonë, Ambra Angiolini do të mbahet mend përjetësisht si ajo e “Non e la RAI”-t. Kur ishte veçse një adoleshente, ajo drejtoi suksesshëm e në mënyrë unike një program kult dhe të papërsëritshëm. Prej atëherë nisi edhe karriera e saj në televizionet dhe kinemanë italiane. Me të njëjtën grintë, ajo është sivjet e përzgjedhura e Maria De Filippit në edicionin e 16-të të “Amici”-t. Sot Ambra feston 40 vjetorin e lindjes dhe katër dekadat e para në ekranet italiane, shkruajnë mediat fqinje. Ajo është e divorcuar dhe nënë e dy fëmijëve./ revistawho.com
