Ashtu si dashuria, as lumturia nuk ka moshë. Njeriu mund të kalojë çastet më të bukura të jetës në çdo kohë të saj. Ditë të tilla po kalon aktorja jonë e suksesshme Marjana Kondi, me rolet e së cilës prej shumë vitesh kemi qeshur. Marjana është një gjyshe e lumtur. Ajo ka festuar 1-vjetorin e mbesës së saj. Në nder të vogëlushes bukuroshe Asia Muhedini, është bërë edhe një festë ku përveç protagonistes që u rrit, gëzimin më të madh na duket sikur e shfaq aktorja jonë. Duhet të ndihet shumë krenare e me fat Marjana që pasi rriti me sukses vajzën e saj Suana, po shijon edhe rritjen e vajzës së vajzës, Asia. Sakaq Kondi për asnjë moment nuk po shkëputet nga puna. Aktualisht ajo është duke punuar për shfaqjen në teatër “Mendohu mirë, Xhakomino” të Pirandelos. Edhe kësaj here Marjana po punon përkrah të madhit Robert Ndrenika dhe kolegëve të tjetër të talentuar Arben Derhemi, Alert Celoaliaj e Paula Kodra, me regji të Milto Kutalit./ revistawho.com
