E shkëputur nga puna në televizion por tejet e përfshirë së fundmi në çështjet politike, fundjavën që lamë pas Sonila Meço i vuri një “stop” të gjithave. Ajo ka udhëtuar për të festuar Pashkët në juglindje të vendit, në fshatin Dardhë ku ajo ka një vilë të sajën. Sonila me Drinin dhe vajzën e tyre Amaris si dhe me miq e familjarë po i kalojnë këto ditë pushimi në atë që gazetarja e quan “copëz parajse”. Disa prej momenteve të gëzuara ajo i ka ndarë edhe me miqtë virtualë. “Kur i ikën Tiranës, kur bashkohesh me familjen, kur bëhesh më fëmijë se vocrrakët e humbesh lojrave, kur ke një Pashkë për të mbledhur e shumëzuar bekimet, kur thith më në fund e panginjur ajër t’pastër, kur ujin e gjen kristal n’burim pa filtra e shishe plastike, kur i thua vetes ‘n’djall gjithçka që të bën të ankohesh e mallkosh më shumë se gëzosh’…aty Tirana ngjan marrëzi që kushton, kur në fakt më e mira është falas. Është Pashkë! Gëzuar!”, shkruan Sonila./ revistawho.com
