Aktorja e dashur e Teatrit Kombëtar, Marjana Kondi i ka kaluar pranë detit ditët e nxehta të këtyre muajve. Pas një sezoni të ngjeshur me shfaqje në Teatër, Marjana kaloi një muaj të plotë me mbesën e saj Asia Muhedini në bregdetin e Qerretit. Dhe si çdo gjyshe, edhe Marjana u lodh pak duke e ndjekur pas gjithë ditën të mbesën, ndaj vendosi të pushojë disa ditë vetëm me të shoqin, Tritan Anamali në bregdetin e Borshit. Por duket se këtu zë fill pendesa e Marjanës, e cila në një komunikim me “revistawho.com“, për pushimet e këtij viti pranon se i rri përgjatë gjithë kohës mendja tek e mbesa. “Erdha për qetësi këtu, por gjithë kohën mendoj për Asian dhe e kam vendosur nuk do ta lë më kurrë vetëm… Shoh fëmijë të vegjël bregut të detit dhe kërkoj të luaj me ta si me Asian, të cilës i kam kënduar të gjitha këngët që mbaja mend nga fëmijëria ime dhe mbaja mend shumë”, – shprehet Kondi, teksa rreshton tituj këngësh si: “Babi im është minator”, “O bubrrec”, “Rosat po lahen brenda në liqen”, etj… Por megjithëse disa ditë e larguar nga e mbesa ajo është një gjyshe model dhe e dashuron çdo moment të kaluar me Asian, vajzën e parë të së bijës. Shtatori po afrohet, por deri atëherë gjyshe Marjana ka ende disa ditë kohë për t’i shpenzuar me mjaltin e mjaltit. / revistawho.com
