Marrëdhënia midis Princit të Anglisë Harry dhe aktores Meghan Markle po shkon shumë mirë. Kjo dëshmohet nga pamjet e pushimeve të tyre në Xhamajka, shkrepur nga paparacët e të përjavshmes “Chi”. Dy të rinjtë janë bashkë që prej vjeshtës së shkuar, teksa këto ditë kanë udhëtuar për dasmën e një shoku të tij. Bëhet fjalë për bankierin Tom Inskip, që ishte i vetmi beqar i mbetur nga grupi i shokëve të Princit biond, që janë bashkë prej kolegjit. Tani për t’u ngjitur në altar i takon Harry-t e duket se kjo ditë nuk do të jetë e largët. Princi ka marrë me vete të dashurën Megan me të cilën u shfaq në ceremoni dorë për dore. Ky gjest konfirmoi edhe një herë intensitetin e lidhjes së tyre. Sipas tabloidëve anglezë, dasma e radhës në “Buckingham Palace” nuk do të vonojë./ revistawho.com
