E rezervuar për të dhënë detaje mbi jetën e saj private, pasi e kishte provuar më parë dhe ishte zhgënjyer, Rozana Radi kishte vite që në media dhe në rrjete sociale nuk thoshte asgjë për këtë pjesë. I gjithë komunikimi i saj me fansat ishte vetëm për punën dhe hobet e saj, asgjë tjetër. Rreth një vit më parë, pikërisht në një nga ditët e Panairit të Librit, paparaci i “Panorama plus” e fotografoi Rozanën së bashku me të dashurin e saj, Shpëtimin, teksa po blinin libra dhe ecnin të kapur për dore. Ne kishim informacione në atë kohë mbi lidhjen e Rozanës dhe faktin që po bashkëjetonin, por çifti nuk shfaqej shumë në publik. Tashmë që janë bërë rreth 4 vite në këtë lidhje, mund të thuhet se Rozana e ka stabilizuar jetën e saj private. Mbase kjo qetësi që i jep jeta private, reflektohet edhe në karrierën e saj. Rozana ka rreth 20 vite karrierë, por ama vitet e fundit ajo ka treguar të gjithë dimensionin e saj si artiste. Përveçse si këngëtare, e kemi parë të luajë në teatër, ka bërë shumë tekste këngësh dhe ka treguar në spektakle të ndryshme aftësitë për të bërë show, falë imitimeve që bën. Për këtë arsye, Rozana është gjithnjë e përzgjedhur, sepse spektakli që ajo do dhurojë, është diçka e garantuar. Eksperiencën më të fundit e ka pasur si prezantuese e “Miss Shqipërisë”, në krah të Enkel Demit, ku edhe aty nuk i kurseu batutat. Rozana është fotografuar javën e kaluar në Dhërmi së bashku me të dashurin e saj, Shpëtimin, i cili punon oficer gjyqësor në Prokurorinë e Tiranës, dhe me disa miq të tjerë. Si gjithnjë, këngëtarja shfaqet shumë në formë, kjo falë edhe kujdesit që ajo tregon vazhdimisht për linjat. Ajo që duket nga fotot është se Shpëtimi dhe Rozana janë shumë të dashuruar dhe nuk ia kursejnë përkëdheljet njëri-tjetrit edhe në publik. /Panorama Plus
