Pas alarmit për bombë, forca policore kanë rrethuar ambientet e redaksisë së televizionit A1 Report në kryeqytet. Para hyrjes në ambientet e brendshme është vendosur edhe një shirit i verdhë, i cili ka krijuar perimetrin e sigurisë, për të mos lejuar kalimin. Burime policore konfirmojnë për “Panorama” se ka qenë një telefonatë anonime, e cila ka njoftuar për praninë e një bombe në ambientet e brendshme të redaksisë. Policia ka mbërritur me shpejtësi në vendin e ngjarjes. Nga hetimet e para theksohet se “shërbimet policore në vendin e ngjarjes nuk po konstatojnë ndonjë pako të dyshimtë”. Paralelisht me këtë, hetuesit po merren edhe me hetimin e telefonatës që ka mbërritur në sallën operative të policisë.
