Tashmë, ua ka marrë dorën fushatave. Në zgjedhjet lokale të vitit 2015 iu desh të garonte përballë Vangjush Dakos për postin e kryetares së Bashkisë Durrës. Ndërsa tani është në listën për deputete në Tiranë.
Grida Duma, profesoresha gjithë sharm dhe me një natyrë të fortë, tregon në rrjete sociale se si janë ditët e saj në fushatë në takime me njerëz të thjeshtë. Ajo që të bie në sy është se Grida nuk ka bërë sforco si disa kolege të saj, të cilat për disa vota më shumë bëhen qesharake me veshjet dhe qëndrimin e tyre, gjasme si pjesë e popullit.
Ne tashmë i njohim të gjithë çfarë stil jete kanë dhe sa të pasur janë, kështu që është e kotë të tjetërsohesh vetëm në kohë fushate. Ndërkohë, Grida po përdor veshje më praktike, por si gjithmonë me një pamje të kuruar, pasi ashtu ndihet mirë dhe është vetvetja./ Panorama Plus
