Sot është ditë pushimi ama jo për nënat. Pikërisht fundjavave ato kalojnë më shumë kohë me fëmijët e tyre e iu përkushtohen më shumë. Njësoj edhe prezantueset tona. Mëngjesi i kësaj të shtune i ka gjetur ato duke plotësuar tekat e të vegjëlve, kush në shtëpi e kush jashtë saj.
ARBANA OSMANI
Prezantuesja e Top Channel është zgjuar herët sot pasi djalin e saj, e shtuna e ka gjetur me ide të qarta. Joni ka kërkuar të blejë lodra. Dhe ja ku i shohim të dy në një prej dyqaneve më të mëdha të lodrave në kryeqytet “që pa gdhirë”, siç shkruan Arbana.
JULKA GRAMO
Spikerja e radios “NRG” njëherësh edhe këngëtare, mëngjesin e sot është rrethuar nga fëmijët. Madje ato e kishin futur Julkën në mes e po i bënin masazh. Julka më shumë duket sikur po lodhet se sa po relaksohet. “Nxisim shpirtin sipërmarrës tek brezat e rinj. Pas masazhit me 6 duar, fëmijëve u erdhi ideja që të hapnin një qendër masazhesh. P.s. Ishalla po na i bëjnë falas kur ta hapin”, shkruan ajo.
AMI
Amarda Toska ka ndarë me ndjekësit pozën e dashurisë së saj, një foto ku shfaqen Ermali dhe Joeli. Siç dihet ata janë jashtë vendit për pushime në dëborë. Por ndonëse Ami nuk ankohet në foto, të vërtetën e kësaj të shtune e ka treguar Ermali. Ai ka shkruar se pushimet me fëmijë të lodhin aq shumë, sa mezi po presin të mbarojnë që të çlodhen./ revistawho.com
