Rrjetet sociale në verë bombardohen me fotografitë e plazheve, këmbëve të nxira, pjatave plot nëpër restorante, dallgët e detit, foto me filtra e pa filtra, në plazhet e vendit. Por ajo që shpesh fshihet pas këtyre fotove është një realitet i trishtë. Vetë këta pushues që nxjerrin dhe reklamojnë pushimet e tyre nëpër rrjetet sociale, pas krahëve kanë plehrat në rrugë, që ndoshta vetë ata i kanë hedhur, apo punonjësit e hoteleve që presin pushues, gjejnë rrugën më të thjeshtë për t’i lënë në rrugë këto mbeturina. A nuk do ishte më mirë që në rrjetet sociale të ngremë qoftë edhe një herë zërin për këtë situatë të frikshme në plazhet e vendit? Fotot janë publikuar nga Gazeta Ekspress nga plazhi në Dhërmi.
