Anjeza Shahini është një nga zërat më të bukur që ka dalë nga konkurset e talent-show të realizuara në Shqipëri gjithë këto vite. Fituese e çmimit të parë të edicionit të parë të “Etheve të së premtes mbrëma”, Anjeza vijoi sukseset e saj me pjesëmarrjen në Eurosong, ku përsëri Anjeza ishte e para këngëtare shqiptare që konkurronte dhe që mori një rezultat spektakolar, duke u renditur e 5-ta. Prej rreth më shumë se një viti, Anjeza është shkëputur plotësisht jo vetëm nga muzika, por edhe nga Shqipëria, sepe ajo është martuar me një djalë anglez, të cilin e njohu gjatë misionit të tij diplomatik në Shqipëri. Tani Anjeza është bërë zonja Connolly dhe jetën që bën në Londër e ndan edhe me ndjekësit e saj në rrjetet sociale. Kohët e fundit, Anjeza ka prerë flokët dhe stili i saj i veshjes po bëhet gjithnjë e më shumë “british”. Ajo është shumë në formë në çdo aspekt, por ndjekësit e saj i përmendin shpesh faktin se e duan për zërin e saj dhe se mezi presin që ajo t’i rikthehet muzikës./ Panorama
