Është ndarë nga jeta në mënyrë të parakohshme bukuroshja 28 vjeçare Veronica Sogni. Mbrëmjen e së hënës mediat italiane raportuan për vdekjen e finalistes së “Miss Italia”. Modelja u mund nga një luftë me kancerin në gji. Lajmin e raportoi fillimisht faqja zyrtare e “Miss Italia”, konkurs në të cilin e reja mori pjesë në vitin 2009 si finaliste duke u vlerësuar me titullin “Miss Sasch Modella Domani”. “Një engjëll me flokë të shkurtër e me kokën plot më ëndrra ashtu siç kishte mbiemrin, fluturoi në qiell”, shkruhet në lajmin e faqes “Miss Italia”. Veronica u lind në Milano më 10 qershor të vitit 1988 dhe u diplomua në liceun shkencor. Ajo kishte pasion këngën dhe aktrimin. Pas pjesëmarrjes në konkursin e bukurisë, e reja u rikthye në televizon në programin “Soliti ignoti” në “Rai 1” ku interpretonte një prej personazheve që duheshin gjetur. Në mesin e luftës së saj me kancerin, Veronica mori pjesë edhe në “X Factor” në vitin 2015 ku u pranua por e braktisi garën për shkak të sëmundjes. Pasi mori diagnozën në vitin 2012, Veronica humbi flokët për shkak të kemioterapisë, por asnjëherë grintët për të luftuar për jetën, deri në fund./ revistawho.com
