FOTOT/ Yjet e reja të ekranit në serialin më të fundit televiziv

Një serial i ri, prodhim tërësisht shqiptar së shpejti do të kënaqë e do të mbajë teleshikuesit mbërthyer para ekranit. “Ti mund të më quash Xhon”, është në mesin e xhirimeve nga studio e prodhimit “Papadhimitri Production” dhe ka bërë bashkë shumë emra të njohur të ekranit e kinemasë si Miss Nevina Shtylla njëherësh prezantuese e “Next” në Vizion Plus, Arbies Komoni, prezantuesja e “Miss Universe Albania” Eva Murati, Bonald Perkola, Gent Kame, Ermira Gjata, Indriti Cobani e shumë emra të tjerë që madje do të vijnë si surprizë për ekranin e madh… Seriali ka në qendër historinë e dashurisë të dy të rinjve e flitet se do të na sjellë situata të jashtëzakonshme. Xhirimet e tij po vijojnë këto ditë në bregdetin e jugut për të sjellë nje gjithëpërfshirje panoramike në jetën e të rinjve shqiptarë në ditët që jetojmë.