Divorci mes balerinit Italian, Mirko dhe këngëtares shqiptare u cilësua nga këngëtarja si një tragjedi në jetën e saj, një përjetim i fortë emocional. Por, pas çdo fundi ka një fillim të ri, edhe për jetën e Sonit. Vetëm një muaj pasi këngëtarja ishte në qendër të vëmendjes mediatike për partnerin e saj, në një intervistë për ‘Prive’ ajo nuk e mohoi këtë fakt, por nën zë dhe e qeshur e pohoi se po jeton çaste të lumtura. Ndërkohë, ‘Panorama’ nisur nga ky fakt, ka zbuluar detaje të pathëna rreth historisë së re të dashurisë të Sonit. Ajo tashmë ka nisur bashkëjetesën në Tiranë me të dashurin e saj Klevin dhe vajzën nga martesa me Mirkon, Annën 4-vjeçare. Edhe pse i dashuri nuk ka asnjë lidhje me muzikën, por është biznesmen i një bar-kafe në Tiranë, ka qenë prezent në çdo event me Sonin. Ndonëse, ende nuk dihet se prej sa kohësh bashkëjetojnë, flitet se prej 9 muajsh ato ndajnë të njëtën çati. Së fundmi, ato janë parë së bashku në sallën e Universitetit të Arteve, ku ndodheshin për të ndjekur aktorin Gazmend Paja, në monodramën ‘Legjenda e Pianistit’. Edhe pse ato u kujdesën që mos të binin në sy, sërish ishin shumë afër….
