Aktorja e njohur shqiptare, Laureta Gashi, ka kënduar shqip në një televizion turk duke treguar se nuk harron kombësinë dhe prejardhjen e saj.
“Të dashur miq, dua të ndaj me ju një pjesë të shkurtë, ku unë këndova turqisht dhe shqip. Kënga ishte ‘Dielli’ e kënduar më parë nga Luljeta Kuraja. Mua vërtet po më kapin rrezet e bukura të diellit dhe hëna më kupton sa e lumtur jam. Faleminderit për dashurinë dhe mbështetjen. Së shpejti me projekte të reja. Faleminderit shumë”, ka shkruar aktorja në Facebook duke ia ka bashkangjitur një video ku shfaqet duke kënduar.
Ajo kohëve të fundit është bërë pjesë e një prej agjencive më të mëdha në Turqi, ndërsa është duke përgatitur rolin kryesor në filmin “Zoka”, ku përveç rolit kryesor iu besua edhe muzika e filmit.
Bukuroshja ka filluar të përgatitet edhe rreth albumit të saj. Ajo po ashtu do të jetë edhe pjesë e serialeve në Turqi dhe do të ketë shumë projekte si modele. Gjithashtu ka qenë pjesë e tri emisioneve më të shikuara në Turqi.
Laureta vazhdon suksesin e saj duke u bërë pjesë e lajmeve të portaleve më të mëdha në Turqi, si dhe ka marrë një dhuratë nga drejtori i muzeut dhe kulturës së qytetit të Stambollit, Erdogan Kahreman.
Në rrugëtimin e saj është cilësuar si një talente e shumëfishtë kosovare nga produksioni Piramit Yapim, ndërsa stafi i këtij produksioni janë mjaft të kënaqur duke e vlerësuar shumë dhe duke e cilësuar si mjaftë punëtore dhe inteligjente në botën e aktrimit. Së fundi është përkrahur shumë edhe nga aktori i madh, Nuri Alco, i cili e quan si ylli i ri në tregun e filmit dhe muzikës. /Telegrafi/
