Aktorja simpatike shqiptare Rudina Dembacaj, feston sot 30 vitet e para të jetës! E ka nisur ditën me një urim për veten e të gjithë ata që festojnë në këtë datë (përfshirë edhe kryeministrin e vendit). Vetëm se Rudina nuk e dinte që në darkë e priste një festë e bukur me njerëzit e zemrës. Kjo festë po ndodh tani! Bashkëshorti i saj Aleks ka mbledhur miqtë e të shoqes artiste në një lokal të kryeqytetit, duke na bërë pjesë edhe ne. Në festë shihen emra si Gent Zenelaj, Amos Zaharia, Kiço Londo etj, që janë edhe kolegët e shfaqjes për të cilën Rudi po punon aktualisht në teatër. Rudina është afruar në derën e lokalit veshur me të kuqe (këtu na lejoni të themi se ishte bërë shumë e bukur), dhe për një moment u shtang nga ajo që pa. Një grup njerëzish të dashur që i këndonin “Shumë urime për ty”. Për të kuptuar më shumë, momentin special ua kemi sjellë në videon më sposhtë. Edhe njëherë gëzuar Rudinës!/ revistawho.com
