Arshad Kan-it i ka ndryshuar tërësisht jeta brenda një nate. Një fotografi e shkrepur gjatë orarit të punës si shitës i çajit në Pakistan, e ka bërë atë të fitoj epitetin e njeriut të famshëm.
18-vjeçari me sy ngjyrë qielli ishte duke fituar kafshën e gojës duke punuar në tregun e Islamabadit, ku fotografja e famshme Haveria Ali e fotografoi, transmeton Telegrafi.
Por që nga ajo shkrepje, mijëra njerëz në Twitter e kanë shpërndarë fotografinë e saj, duke i lënë gojëhapur shumë njerëz me ngjyrën unike të syve.
Disa ditë më vonë, Arshad realizoi fushatën e tij të parë si model. Ai tani thotë se gëzon famë dhe se është shumë i lumtur për këtë fakt.
“Shumë femra më kanë thënë se kam sy shumë të bukur. Që kur fotografia ime u bë virale, e kam kuptuar se jam bërë i famshëm”, thotë me modesti Arshad.
Gjatë një interviste dhënë një televizioni, Ashad ka pranuar se një ditë pas publikimit të fotografisë së tij, e kanë vizituar mbi 50 femra.
Ai thotë se dëshiron të luaj edhe në filma, dhe të jetë i famshëm sikurse aktori i famshëm indian, Sha Ruk Khan që konsiderohet si mbreti i Bollywood-it.
