Ndeshja Partizani-Skënderbeu në “Elbasan Arena” u shoqërua me disa incidente. Në minutën e 84′ pati tension në tribunë çka çoi edhe në ndërhyrjen e policisë. Siç bën me dije “Panorama” forcat e rendit kanë ndërhyrë ndaj tifozërisë së skuadrës kryeqytetase. Për disa minuta, situata u bë aq kaotike, pasi policia nuk ngurroi të përdorte forcën ndaj tifozëve, si pasojë e të cilës shumë tifozë mbetën të plagosur. Ndërkaq, nga kaosi i shkaktuar dhe ndërhyrja e policisë, disa mbështetës të ekipit të Partizanit zbritën në fushë për të marrë mjekimin e parë. Një prej tyre ishte vajzë e re, e cila u shoqërua me ambulancë drejt spitalit të qytetit të Elbasanit pasi pësoi konvulsione dhe alivanosje. Incidenti ka ndodhur pas një ndërhyrjrje të rëndë ndaj një lojtari të Partizanit. Forcat e Policisë ndërhynë duke goditur disa prej tifozëve të “demave të kuq”. Pas ndihmes se pare ne fushe, tifozja u dergua me ambulance ne spital. Nuk eshte ende e qarte nese ajo u sulmua nga policia.
http://dai.ly/x4zua5f
http://dai.ly/x4zu9uo
