“Kur u njohëm ajo ishte e fejuar. Më goditi menjëherë dhe tentova ta bëj për vete. Ilary më ka bërë të derdh shumë djersë derisa e mora. Për mua ishte dashuri me shikim të parë, për atë jo. Por kur vendos në kokë një gjë, e arrij. Ajo është njeriu më i rëndësishëm për mua. Më jep stabilitet”. Kështu e përshkruan futbollisti i suksesshëm, kapiten i Romës Francesco Totti, njohjen dhe lidhjen me prezantuesen e bukur që sot është bashkëshortja e tij, Ilary Blasi. Në një intervistë të gjatë për Maurizio Costanzo, Totti ndau detaje speciale nga privatësia, si për shembull si e bëri për vete bukuroshen, duke treguar edhe puthjen e parë. “Shkova ta merrja me një Ferrari se makinë tjetër nuk kisha. Atë natë u puthëm për herë të parë”, tregon futbollisti. Totti dhe Blasi janë prindër të tri fëmijëve dhe një nga çiftet më të konsoliduara të showbiz-it italian./ revistawho.com
