Frederik Ndoci është rikthyer me një intervistë pas shumë kohësh. Edhe këtë herë si shumë të tjera, këngëtari bëri deklarata të bujshme. Edhe pse është një zërat më të bukur të muzikës shqiptare, duket sikur publiku harron ndonjëherë këngët e tij ikonike, dhe e kujton për deklarata intervistash, si kjo.
Ndoci ka folur në “Glamour Zone” për marrëdhënien e tij me aktoren Sesilia Plasari, me të cilën u shfaq në filmin ‘Edhe kështu, edhe ashtu’, përkatësisht me rolin e Andit dhe Almës. Frederiku sqaron se mes tyre kishte, flirt, kimi dhe jo vetëm, ndërsa ka qenë i martuar në atë periudhë.
Këngëtari tha se gjatë xhirimeve të filmit ata kanë pasur dhe 2 skena me puthje të cilat më nuk u transmetuan në film.
Më pas Frederik ndaloi tek ish-bashkëshortja e parë, për të cilën siç ka deklaruar edhe më herët, është lezbike dhe këtë e mori vesh kur shkuan në Amerikë.
I pyetur, si e zbuloi këtë, Frederiku tha: “Pasi u bëmë me dy fëmijë, i morëm në krahë dhe vendosëm të iknim jashtë. Pastaj sa shkuam në Amerikë, ajo më tha ‘Unë dua Suzanën, jo ty’. Unë merrja pjesë në filma nga 2-3 muaj, ajo merrte një shoqe se kishte frikë të flinte vetëm. Po, ku i dinim ne këto punë? Këto janë gjëra të studiuara, edhe në shkollë bëhet edukatë të dish prirjet e njeriut. Kurse atëherë nuk i dinim ne. Nëse nuk shkonte me mashkull, thoshim se e kam te ndershme, e kam në rregull”, u shpreh Ndoci.
Mesa duket me kalimin e moshës e të viteve, fillon dhe flet pa i vendosur fre gojës, siç po bën dhe Frederiku. Dhe në këto raste më shumë se gjithçka, bie në sy pamaturia dhe fakti që deklaratat e thëna kushtu, mund të lëndojnë shumë njerëz./revistawho.com
