Që prej grabitjes së bujshme në Paris, Kim Kardashian i ka ndalur tërësisht daljet e saj publike dhe postimet në rrjetet sociale. Dhe një gjë e tillë duket se do të vazhdojë, duke qenë se një burim pranë yllit të reality show-t ka dhënë detaje të reja aspak të mira për situatën në shtëpinë Kardashian-West. Sipas tij, Kim “nuk ka aspak dëshirë t’i rikthehet jetës së saj të mëparshme”. Po ashtu thuhet se është shumë nervoze dhe nuk dëshiron të fotografohet. “Në çdo dalje të saj kur nuk është e shoqëruar nga një familjar, ajo ka me vete një truprojë”- tha burimi dhe shtoi se ajo nuk ka në plan të dalë sërish në publik për momentin dhe po fokusohet tek familja./ Anabel.al
