Fsheh 300 mijë euro poshtë dyshekut, më pas bën zbulimin e hidhur

Nga mesi i javës së kaluar, një sipërmarrës nga Roma i është drejtuar komisariatit për të denoncuar një vjedhje të ndodhur në shtëpinë e tij. Ai ka treguar se ka qenë jashtë shtetit për disa ditë për punë, dhe kur është kthyer ka zbuluar se e kanë vjedhur. Biznesmeni kishte fshehur poshtë dyshekut 300 mijë euro dhe disa bizhuteri që nuk i gjeti më, ndërsa në shtëpi nuk kishte shenja të hyrjes me forcë. Ndaj vëmendja e hetuesve u përqendrua tek pjesëtarët e familjes, më saktë tek vajza e tij minorene që ato ditë kishte qëndruar e vetme në shtëpi. Ajo kishte ftuar shokun e saj për vizitë. Pasi policia e ndoqi të riun, zbuloi në banesën e tij një pjesë të parave të cilat i kishte futur nëpër kuti këpucësh.