“Fshiva lotët dhe dola në skenë”, Arbana na la të gjithëve pa fjalë me rrëfimin prekës!
Një moment i veçantë dhe i ndjerë ndodhi gjatë një daljeje surprizë të Arbana Osmanit në skenën e *X Factor, krah Alketa Vejsiut. E veshur me emocion të sinqeriteta, Arbana ndau me publikun një rrëfim të fuqishëm për një periudhë jashtëzakonisht të vështirë të jetës së saj,
“Asokohe vajza ime Zoi ishte vetëm 3 muajshe dhe unë e ushqeja me gji. Po atë kohë, në një javë, kisha katër netët e Festivalit të Këngës dhe premierën e Big Brother. Këto kanë qenë pesë ditë shumë të ngjeshura,” shtoi ajo, duke kujtuar momentet e vështira ku detyrohej të shkëputej nga prova apo skena për t’i dhënë gji vajzës.
Një mëngjes, ora 6:00, me grimin gati dhe pak minuta larg daljes në skenë, Arbana nxitoi drejt dhomës së gjumit. “E mora në krahë Zoin dhe e vura në gji. Ajo vetëm qante dhe unë nuk e kuptoja pse,” kujton ajo me emocion. Telefoni binte pa pushim, ndërkohë që tensioni rritej. “Kuptova se më kishte ikur qumështi… Aty ndjeja vetëm lotët që më rridhnin pafund, pafund dhe thashë, Arbana çfarë po bën? Çfarë po bën?”
Ishte një moment i kthjellimit. Ajo fshiu lotët, përgatiti një shishe me qumësht për Zoin, dhe kur vajza u qetësua, ajo veshi fustanin dhe shkoi në skenë për të prezantuar festivalin – e fortë, e buzëqeshur, pa lejuar askënd të kuptojë sa e rëndë ishte ajo peshë që mbante brenda vetes.
Ky rrëfim i Arbana Osmanit është një pasqyrim i vërtetë i realitetit që përjetojnë shumë nëna – balancimi i ëmbël por i vështirë mes jetës personale dhe përkushtimit profesional!
