Pas nëntë viteve në krye të shtëpisë së famshme të modës Dior, Maria Grazia Chiuri nuk do të jetë më drejtoresha kreative e markës. Ky largim shënon fundin e një epoke ku Chiuri solli një frymë të re feministe dhe bashkëkohore në estetikën e Dior-it, duke e transformuar markën në një platformë që përçonte mesazhe të forta sociale.
Koleksionet e saj janë mbajtur mend për mesazhe të guximshme dhe përfshirëse, si dhe për dizajne që promovonin fuqizimin e femrës.
Chiuri i dha Dior-it një identitet të fuqishëm politik e kulturor, duke ndikuar në mënyrën se si moda mund të flasë për çështje të rëndësishme globale.
