Të jesh drejtues shteti do të thotë ta ndash kohën mes punëve me rëndësi dhe familjes. Nuk është aspak e lehtë të kesh në dorë të gjitha fatet e një vendi e aq më tepër kur mendon se duhet të heqësh dorë edhe nga jeta private. Megjithatë kryeministri Rama duket se ka arritur të gjejë një balancë, për të kaluar çaste edhe pranë familjarëve të tij. Fundjava ndoshta është koha e duhur për të qëndruar disa momente më shumë me të voglin Zaho dhe me bashkëshorten e tij, Linda Rama. Kryeministri ka publikuar një fotografi të veçantë nga pushimet e tij. Duke shijuar bukuritë e Shqipërisë me Zahon, duket se kryeministri është i lumtur për këto ditë. Ashtu si çdo herë tjetër ai është kujdesur që të mos e zbulojë fytyrën e djalit, për të ruajtuar sa më shumë privatësinë. /revistawho.com
