E ftuara e radhës në programin televiziv kosovar “Mirage”, Xhensila Myrtezaj ka zbuluar detaje nga dasma e shumëpritur. Ajo është shprehur se në fakt nuk do të ketë një por dy të tilla.
“Po përgatitemi. është një gjë e bukur të merresh me diçka që e ke ëndërruar që fëmijë. Unë dhe Besi po mundohemi të përkushtohemi edhe pse kemi shumë angazhime. Fustanin ia kam besuar Valdrin Sahitit dhe “Altar”, Selma dhe Kaci do të kujdesen për pamjen atë ditë shumë të rëndësishme për mua. Dekori do të jetë nga “Geraldina Sposa”. Uroj që të shkojë gjithçka mbarë. Në fakt kanë për të qenë dy dasma. Një me shoqërinë edhe të gjithë miqtë, sepse do ishte e pamundur e nuk ka lokacion që t’i marrë përsipër me aq njerëz sa kemi ne, sa duam e sa na kanë mbështetur gjithë këto vite. Do te jenë dy dasma, një me familjen dhe fiset përkatëse e një tjetër me shoqërinë, të gjithë njerëzit që duam e na kanë mbështetur gjatë rrugëtimit të jetës sonë. Ndërkohë po përgatitemi të futemi edhe në një banesë te re”.
Këngëtarja sapo ka publikuar edhe këngën e saj më të fundit “Lova” në bashkëpunim me Granit Dërgutin dhe Mixey. Për më shumë ndiqni videon…/ revistawho.com
