Mbrëmjen që shkoi u mbajt nata speciale e ndarjeve të çmimeve britanike të muzikës. Dua Lipa ishte një ndër të vlerësuarat me çmim dhe e nominuar në shumë kategori. Sigurisht vëmendja për të ishte e madhe.
Këngëtarja e njohur, u vesh me fustane të ndryshme në çdo dalje të saj, por njëri prej tyre tërhoqi vëmendje. Teksa tërheq çmimin e këngës më të mirë (Best Single), krah Calvin Harris, ajo u shfaq e veshur me një fustan në ngjyrë blu, me yje floriri në sipërfaqe.
Fansat në ‘Twitter’ kanë reaguar menjëherë për këtë detaj, duke e cilësuar si të qëllimshëm. Sipas tyre, Dua ka dashur të tregojë cilën anë mban në situatën aktuale politike që ka pushtuar vendin. Duke marrë parasysh se në Britani klima politike është shumë e tensionuar për shkak të ‘Brexit’ që kërkon të nxjerrë Anglinë nga Bashkimi Europian, fansat mendojnë se fustani i këngëtare është si një mënyrë për të treguar se ajo është kundër ‘Brexit’.
Fustani sipas tyre është tregues i flamurit të BE. Ende nuk ka reagim nga Dua për këtë pjesë, por shanset që të jetë i vërtetë janë të vogla./revistawho.com
